TYZ: May 2011

Tuesday, May 24, 2011

ကြွေခဲ့ရင်...

ဥယျာဉ်မှာ အလှဆင်တဲ့ ပန်းပွင့်တွေ ကြွေကျရင် သူ့သခင်က ယုယစွာ နှမြောသသဖြစ်ကြမှာ...... လမင်းမရှိတဲ့ ညမှာ အလင်းဖြာပေးတဲ့ ကြယ်လေးတွေ ကြွေကျတဲ့အခါ ဘယ်သူတွေက နှမြောသသဖြစ်ကြမှာလဲ............? တကယ်ဆို ငါက မင်းဘ၀ လမင်းပျောက်တုန်းခဏအလင်းပေးဖူးခဲ့ပေမဲ့အခုတော့.....ကြွေလွင့်ရမဲ့ ကြယ်တစ်ပွင့်ပါပဲလား?

သဘာဝနိယာမအရ ပန်းတွေကြွေရင် မြေခတယ်၊

ဒီလိုဆို....ကြယ်တွေကြွေရင် ဘယ်စကြ၀ဠာမှာ ကျမလဲ......?

ငါ့အချစ်တွေကြွေရင်ရောဘယ်ရင်ခွင်မှာ ခ ရမလဲ...?

(ဇင်ယော်မောင်မောင် ရိုက်ကူးခဲ့သော ဇာတ်ကားတစ်ကားမှ ကဗျာစာသားလေးပါ

ပန်းတွေကြွေရင် မြေခတယ်။ ကြယ်တွေကြွေရင် ဘယ်သူ့ရင်ခွင်ပေါ် ကျမှာလဲ...)

ဒီ ၂ ကြောင်းကို ပြန်လည်ခံစားပြီး ရေးထားတာပါ) သူငယ်ချင်းတစ်ယောက်ရဲ့gmail custom message မှာ ဒီစာလေး ၂ ကြောင်းတင်ထားတာတွေ့လို့ ခံစားပြီး ချဲ့လိုက်မိတာပါ...။ ဇာတ်ကားကိုတော့ သံယောဇဉ်ကိုယ်တိုင် မကြည့်ဖူး မသိသေးပါ..။

အားလုံးကို လေးစားခင်မင်လျှက်

TYZ

ကဗျာမပီ ဒဏ္ဍာရီမဟုတ်

0 comments Posted by TYZ at 12:25 PM

ဒဏ္ဍာရီမဟုတ်ခဲ့ပါဘူး ရူးရူးမူးမူး ဟစ်အော်မိတယ်၊ ပုံပြင်တစ်ပုဒ်လိုတော့ ပြဇာတ်ဆန်ခဲ့တာ အမှန်ပဲ။ နောက်ဆုံး ကြွင်းကျန်ရစ်တာက အလွမ်းရင့်ရောင် နှလုံးသွေးနဲ့ ရေးစပ်ခဲ့တဲ့ ကဗျာအပိုင်းအစတွေပေါ့...။ ညည်းသူမဲ့တဲ့ ဒီကဗျာတွေ စာလည်းမပီ ကာရံလည်းမညီတော့ဘူး...။

Monday, May 23, 2011

ခွဲခွါခဲ့ခြင်း (၂)နှစ်ပြည့်ပြီ

0 comments Posted by TYZ at 11:06 PM

ဝေးကွာချိန် ဒီ (၂)နှစ်

ချစ်နေဆဲပဲ...

ငါလွမ်းရင်းနဲ့ ငိုနေဆဲလေ။

တခါတလေ...

မယုံနိုင်သလို ပြန်တွေးမိတယ်

ငါဟာ အသဲကွဲအချစ်ရှုံးသမားတဲ့လား။

အမြဲလိုလို...

အတိတ်ကို ငါပြန်တွေးမိတိုင်း

ပျော်ရွှင်ခြင်းရဲ့နောက်ကွယ်မှာ

ဝမ်းနည်းခြင်း နာကျင်ခြင်းတွေပဲ

ငါ့အတွက်ကျန်နေခဲ့ကြတယ်။

အဖြစ်မှန်ကို နောက်ပြန်ရစ်

ငါပြန်ဆန်းစစ်ကြည့်တော့

ဒီဇာတ်လမ်းတစ်ပုဒ်

အဆုံးသတ်မလှမပနဲ့

ငါတစ်ယောက်တည်း အပြစ်တဲ့လား

မင်းအပြစ်တွေကြောင့်လား

ဘာပဲဖြစ်ခဲ့ဖြစ်ခဲ့

အခုထိ ဆက်ချစ်နေတာကိုးက

ငါ့အပြစ်ပဲပေါ့။

အေးချမ်းရဲ့လား

မင်းဘ၀လေး

နွေးထွေးရဲ့လား

မင်းမိသားစုလေး

တွေးရင်းနဲ့ ငါ့ရင်ထဲ

တကယ်ဝမ်းနည်းမိတယ်

ကံမွဲခဲ့တဲ့ ငါ့ချစ်ခြင်းတွေအတွက်လေ။

ပျော်နေတဲ့ မင်းကိုကြည့်ရင်း

ဒေါသဆိုတာ ငါတို့တတွေကြား

ဘယ်တော့မှ မရှိခဲ့ပေမဲ့

ဝန်သိုခြင်းတွေတော့

ပါးလျလျရှိနေသေးတာပေါ့။

တခါတခါ...

ပြန်ဆုံချင်တယ် မိတ်ဆွေဟောင်းတစ်ယောက်လိုပေါ့

တခါတခါမှာတော့...

မင်းသတင်းတွေတောင် နားမထောင်ချင်ဘူး။

ငါရူးနေခဲ့တာလား?

ရူးခဲ့ရင်လည်း...

ကျန်နေခဲ့ရတဲ့

အလွမ်းနဲ့ဆူးစူးပြီး ရူးနေတဲ့သူပေါ့။

ဒါပေမဲ့...

အခုထိ တစ်နေ့မပြတ်

ဆုတောင်းပေးနေတတ်တာက

မင်းလေးကျန်းမာ စိတ်ချမ်းသာပါစေပေါ့။

ဒီတစ်ယောက်ကိုပဲ

စွဲစွဲလန်းလန်းနဲ့

သံယောဇဉ်ကို

အခြေခံပြီးမှ

ငါချစ်ခဲ့ရတာ

နှစ်တွေ ဘယ်လောက်ပဲ
ကြာပါစေတော့လေ။

ဘယ်လိုငါချစ်ခဲ့လည်း

တန်ပြန်အချစ်မဲ့စွာနဲ့

ကွာဝေးခြင်းမိုင်တွေထဲမှာ

ဝေးကွာခြင်းခြေလှမ်းတွေနဲ့

နင်ပြန်မလှည့်တမ်း လျှောက်သွားခဲ့တယ်။

ငါမမေ့နိုင်တဲ့ဒီနေ့

အမှတ်ရမှုတွေနဲ့

ခွဲခွါခဲ့ရတဲ့ ဒီရက်စွဲလေး

မေလ (၂၃) ပဲပေါ့

(၂) နှစ်ပြည့်ခဲ့ပြီ ချစ်သူရယ်

မင်းတော့ သတိမှရနိုင်ပါတော့မလား။

The day you went away

0 comments Posted by TYZ at 9:25 PM

ကမ္ဘာကြီးပုံမှန်လည်ပတ်နေသလို..... အချိန်နဲ့အမျှပြောင်းလဲခြင်းတွေလည်း ပြောင်းလဲဖြစ်ပျက်နေကြတယ်။

လွန်ခဲ့တဲ့ ၂၀၀၉ မေလ ၂၃ ရက်နေ့မှာ ကျွန်မ ကျောင်းတက်ဖို့ သူနဲ့ကျွန်မ လူချင်း နိုင်ငံချင်း ဝေးကွာခဲ့ရတယ်.... ကျွန်မခွဲသွားမှာကို မလိုလားတဲ့အတွက် ဒီ "the day you went away" သီချင်းလေးကိုတောင် သူက နားထောင်ခွင့်ပိတ်ပင်ခဲ့ဖူးတယ်။ နိုင်ငံချင်းဝေးခဲ့ပေမဲ့ ကျွန်မစိတ်ထဲမှာတော့ သူနဲ့ ဘယ်တုန်းကမှ ဝေးကွာခဲ့ခြင်းမရှိခဲ့ဖူးပါဘူး....ဒါပေမဲ့ နောက်ပိုင်းမှာတော့ တကယ်တမ်း ဝေးဖို့အခြေအနေကို သူကသာ ဆောင်ကျဉ်းခဲ့တယ်.. ပတ်ဝန်းကျင်နဲ့ သူ့အသိုင်းအ၀ိုင်းဘက်ကို အလေးသာ ဦးစားပေး သူရွေးချယ်ခဲ့လို့ ကျွန်မကိုချစ်တဲ့အချစ်ကို စွန့်လွှတ်ဖို့ သူရွေးချယ်ခဲ့တယ်။ ကျွန်မကို.... သူထားခဲ့နိုင်ပေမဲ့ ခွန်အားမဲ့စွာ သူပေးတဲ့ ၀မ်းနည်းအားငယ်ခြင်းတွေကို ဆက်ပြီး ပွေ့ဖက်ထားဆဲပါပဲ... ဒီသီချင်းလေး ကြားတိုင်း ဆိုညည်းမိတိုင်း သူပြောခဲ့ဖူးတဲ့စကားတွေ ကြားယောင်နေမိတဲ့အတွက် စွဲလန်းတတ်တဲ့ ကျွန်မအပြစ်တွေပဲပေါ့လေ........... ၂ နှစ်ဆိုတာ ပြည့်သွားခဲ့ပြန်ပြီ...။ အခြေအနေတွေပြောင်းလဲ သွားခဲ့ပေမဲ့ သူ့အပေါ်ထားရှိတဲ့ ချစ်ခြင်းနဲ့ သံယောဇဉ်ကတော့ အရင်အတိုင်းပါပဲ...နဲနဲမှ ယိုင်နဲ့မသွားပါဘူး...။ ဒီချည်နှောင်ကြိုးတွေက သူလွှတ်လိုက်တာနဲ့အမျှ ကျွန်မက ပိုပိုပြီး အရစ်ပတ်ခံနေရသလိုပါ...... သူ..ရွေးချယ်လျှောက်တဲ့လမ်းလေး.. သူရွေးချယ်တဲ့ သူ့လက်တွဲဖော်လေးနဲ့အတူ..ပျော်ရွှင်အေးချမ်းပါစေ။ သာယာရွှင်လန်းပါစေ............။ ကျွန်မကတော့ သူ ချစ်ခဲ့ဖူးတဲ့အချစ်တွေနဲ့အတူ ကျွန်မရဲ့ချစ်ခြင်းတွေနဲ့ သူထားခဲ့တဲ့အလွမ်းလမ်းလေးအတိုင်း ဆက်လျှောက်နေဆဲ.......။

Tuesday, May 3, 2011

မွေးမေမေသို့......

0 comments Posted by TYZ at 12:15 AM

အမေ.......

ဇရာထောင်းလို့ အမေ့ရုပ်ရည်တွေ ပြောင်းကုန်တယ်

ဒါပေမဲ့လည်းဘယ်တော့မှ မဟောင်းနိုင်တာက
အမေ့ရဲ့ အေးမြတဲ့မေတ္တာတရားပါ။

အမေ.....

ဘုရားသွားကျောင်းတက် နောင်ဘ၀အတွက် အပူနဲစေဖို့တဲ့

ဒါပေမဲ့လည်းလေ သားသမီးတွေနဲ့ ဝေး

အမေတွေးလေလေ စိတ်မအေးရရှာဘူး။

အမေ....

တုနှိုင်းစရာမဲ့တဲ့ အမေ့မေတ္တာတွေ အေးမြလွန်းတယ်

တုနှိုင်းစရာမဲ့တဲ့ အမေ့ဂရုဏာက ကြီးမားလွန်းတယ်

တုနှိုင်းစရာမဲ့တဲ့ အမေ့စေတနာတွေ အနန္တပါပဲလေ.....

အမေ.....

သမီးချစ်တဲ့အမေ

..................

အမေ့မွေးနေ့လေးမှာ........

အမေ့အတွက်ရည်စူးဆုတောင်းရင်း

အဝေးတစ်နေရာကနေ......

လက်ဆယ်ဖြာမိုး ဦးနှိမ်ချိုးလို့

ကန်တော့လိုက်ပါတယ်အမေ........။

ပြုံးရွှင်စွာ လက်ခံကျေနပ်နေမဲ့ အမေ့မျက်နှာကို

သမီးလေး မြင်ယောင်ရင်းးးးးးးးးးးးးးးး

နောင်နှစ်မွေးနေ့တွေမှာ အမေနဲ့အတူ

ပျော်ရွှင်စွာ ဘုရားသွား အလှူပြုနိုင်ဖို့လေ

အမေ့သမီးလေး..........တမ်းတမ်းတတ

ခခယယနဲ့ မြတ်ဘုရားရှေ့မှာ

ဆုတောင်းမိပါတယ်အမေ..........။

(အဝေးရောက်အမေ့သမီးလေး.... အမေ့မွေးနေ့မှာ ဘုရားအတူတူသွားခွင့်မရပေမဲ့ အဝေးတစ်နေရာကနေ အမေ့အတွက်ရည်စူး ဆုတောင်း ကန်တော့လိုက်ပါတယ်အမေ....။ အမေရွှင်လန်းအေးချမ်းပါစေ...။ )
Photo....http://www.mwaf.org.mm/Digest_mm/Poem_mm/Details.asp?id=365