Dear Angel .....(25)
3 days ago
Friday, February 5, 2010
မိဘတိုင်းက ကိုယ့်သားသမီးတိုင်းကို လိမ္မာထက်မြက်စေချင်ကြတယ်။
"မကြိုးစားချင်"တဲ့ သားသမီးတွေနဲ့ ကြုံရတဲ့အခါ မိဘဘယ်နှစ်ပါးကများ
ကိုယ်ချင်းစာစိတ်နဲ့ နားလည်မှုတွေ ပေးနိုင်ခဲ့သလဲ?
တချို့ကပြစ်တင်ဆဲဆိုဖို့၊ တချို့က ရိုက်နှက်ဖို့နဲ့ တချို့က
အဓမ္မတိုက်တွန်းဖို့လောက်ပဲ နားလည်ခဲ့ကြတယ်။ ဒီလိုအဖြစ်က
သားသမီးတွေကိုဆုံးမရာမှာ အသုံးမဝင်တဲ့အပြင် သူတို့အတွက် စိတ်ဒဏ်ရာနဲ့
ကိုယ့်ကိုယ်မယုံကြည်မှုတွေ ပိုတိုးစေပြီး သင်ယူရမှာကို
မုန်းတီးသွားနိုင်ပါတယ်။
"မကြိုးစားချင်"တဲ့ သားသမီးတွေနဲ့ ကြုံရတဲ့အခါ မိဘတွေက ကိုယ့်ဒေါသစိတ်ကို
အရင်ဆုံး မထိန်းချုပ်နိုင်ခဲ့ရင် ကလေးကိုပြောဆို ဆုံးမရာမှာ
အရာရောက်လိမ့်မယ် မဟုတ်ပါဘူး။ မိဘလုပ်သူမှာ အရင်ဆုံး တည်ငြိမ်တဲ့EQ၊
ငြိမ်သက်တဲ့ ရင်ဘတ်၊ ကျယ်ပြန့်တဲ့အတွေး အမြင်ရှိမှ သားသမီးတွေကို
ညွှန်ပြဆုံးမနိုင်မှာဖြစ်တယ်။
ကလေးတစ်ယောက်က အဖြစ်အပျက်တစ်ခုကို လုံးဝနားမလည်နိုင် ဖြစ်နေခဲ့တယ်။
ဘာဖြစ်လို့ သူ့ဘေးခုံသူငယ်ချင်းက အဆင့်တစ်ရချင်တိုင်း ရနေပြီ၊
အဆင့်တစ်မှန်းထားတဲ့သူက အဆင့် (၂၁)ဖြစ်နေခဲ့ရသလဲ
ဆိုတာနဲ့ပတ်သက်ပြီးဖြစ်တယ်။
ဒီလိုနဲ့ အိမ်ပြန်ရောက်တော့ မိခင်ဖြစ်သူကို "မေမေ.. မေမေ သားကသူ့ထက်
ပိုညံ့နေလို့လား? သားက သူ့လိုပဲ ဆရာမ စကားကိုနားထောင်တယ်၊
စာမှန်မှန်လုပ်တယ်။ ဒါပေမယ့် ဘာဖြစ်လို့ သားက သူ့ထက်အမှတ်နည်းရသလဲ?"
သားစကားကိုကြားတော့ မိခင်က သားဟာ ကိုယ့်ကိုယ်လေးစားကြည်ညိုစိတ်
(Self-esteem) ရှိလာပြီလို့ ထင်မိတယ်။ ဒီလို ကိုယ့်ကိုယ်လေးစားစိတ်ကို
ကျောင်းစာရဲ့အဆင့်က ထိခိုက်နာကျင်စေခဲ့တယ်။
မိခင်ဟာ သားအမေးကိုမဖြေဘဲ သားကိုပဲကြည့်နေခဲ့တယ်။ ဘယ်လိုအဖြေမျိုး
ပေးရမယ်မှန်း သူ မသိခဲ့လို့ဖြစ်တယ်။
နောက်တစ်ကြိမ်စာမေးပွဲမှာ သားအဆင့်(၁၇)ရပြီး သားသူငယ်ချင်းက
အဆင့်တစ်ရပြန်တယ်။ အိမ်ရောက်တာနဲ့ သားက အရင်အတိုင်း မိခင်ကိုမေးပြန်တယ်။
"သာမန်လူတစ်ဦးရဲ့ အသိဥာဏ်က ၃၆၉ရှိပြီး အဆင့်တစ်ရသူရဲ့ ဦးနှောက်က
တစ်ခြားလူထက် ပိုသွက်လက်လို့"လို့ သားကို သူဖြေချင်ခဲ့တယ်။ ဒါပေမယ့်
ဒီလိုအဖြေမျိုးက သားလိုချင်ခဲ့တဲ့ တကယ့်အဖြေလား? ဒါကြောင့် သားအမေကို
သူမဖြေခဲ့ပြန်ဘူး။
သားအမေးကို ဘယ်လိုပြန်ဖြေရမလဲလို့ သူအမြဲတွေးခဲ့တယ်။
တစ်ခြားမိဘဖြေခဲ့ဖူးတဲ့ အပ်ကြောင်းထပ်အဖြေတွေလို "သားက အဆော့မက်လို့၊
ကြိုးစားမှုနည်းလို့၊ တစ်ခြားလူထက် မကြိုးစားလို့" စတဲ့ အဖြေတွေဖြေဖို့
သူစဉ်းစားခဲ့ဖူးသေးတယ်။
ဒါပေမယ့် သားလိုဥာဏ်ထိုင်းတဲ့သူ၊ အတန်းထဲမှာ အဆင့်မမီသူတစ်ယောက်အဖို့
ဘဝမှာ ရှင်သန်ရတာကိုက တစ်ခြားလူထက် ပိုပင်ပန်းနေခဲ့ပါပြီ။ ဒါကြောင့်
သားရဲ့ထပ်တလဲလဲ အမေးအတွက် ပြည့်စုံတဲ့အဖြေတစ်ခုပေးဖို့
သူဆုံးဖြတ်လိုက်တယ်။
မူလတန်းအောင်ခဲ့တဲ့ သားက အရင်ထက်ပိုကြိုးစားခဲ့ပေမယ့် သူ့သူငယ်ချင်းကို
မမီခဲ့ဘူး။ ဒါပေမယ့် အရင်ကထက်စာရင် အမှတ်တွေ ကောင်းခဲ့တယ်။
သားရဲ့တိုးတက်မှုကို ဂုဏ်ပြုတဲ့အနေနဲ့ မိခင်ဟာ သားနဲ့အတူ ပင်လယ်ဖက်ဆီ
အလည်အပတ် ထွက်ခဲ့ကြတယ်။ အဲဒီခရီးစဉ်မှာပဲ သားရဲ့အမေးကို
သူပြန်ဖြေခဲ့ပါတယ်။
အခုအချိန်မှာ ကလေးငယ်ဟာ အဆင့်အတွက်နဲ့ စိုးရိမ်ပူပန်မနေခဲ့တော့ဘူး။
မူလတန်းတုန်းက သူအဆင့်ဘယ်လောက် ရခဲ့ကြောင်းကို လူတွေမေးမှာ
မကြောက်ခဲ့တော့ဘူး။ ဘာဖြစ်လို့လဲဆိုတော့ သူဟာ အထက်တန်းကို ပထမအဆင့်နဲ့
အောင်မြင်ခဲ့လို့ဖြစ်တယ်။
ဆုပေးပွဲမှာ ကလေးငယ်က ကျောင်းသားနဲ့ အုပ်ထိန်းသူတွေကို သူပထမရတဲ့
အတွေ့အကြုံကို ပြောခဲ့တယ်။ ဟောပြောပွဲမှာ ငယ်ငယ်က
မိခင်နဲ့တွေ့ကြုံခဲ့တာကို သူက ဒီလိုပြောပြခဲ့တယ်။
"အဲဒီနေ့က ကျွန်တော်နဲ့မေမေ သဲသောင်ပြင်ပေါ်မှာ ထိုင်နေခဲ့ကြတယ်။ မေမေက
ကမ်းခြေတစ်နေရာကို ထိုးပြပြီး "သား ပင်လယ်ဘေးက အစာရှာနေတဲ့
ငှက်ကလေးတွေကို ကြည့်လိုက်၊ လှိုင်းလာတဲ့အချိန် တစ်ခြားငှက်တွေက အတောင်
၂ချက်၊ ၃ချက်ခတ်ပြီး အမြန်ရှောင်နိုင်ကြတယ်။ ဒါပေမယ့် ဇင်ယော်တွေက
ပိုနှေးကွေး ထုံအသလိုပဲ၊ ကမ်းခြေကနေ အမြင့်ကိုပျံဖို့
သူတို့အချိန်တော်တော်ယူရတယ်။ ဒါပေမယ့် တကယ့်ကျယ်ပြန့်တဲ့ ပင်လယ်ပြင်ကို
ပျံသန်းကျော်ဖြတ်နိုင်တာလည်း အဲဒီဇင်ယော်ငှက်တွေပဲ"
အဲဒီဟောပြောပွဲမှာ မိခင်တော်တော်များများနဲ့အတူ သူ့မေမေလည်း မျက်ရည်ကျခဲ့ရတယ်။
သူ့မိခင်က အကူအညီမဲ့တဲ့စကား၊ စိတ်ပျက်အားငယ်စေတဲ့စကားတွေ သားကို
ဘယ်တော့မှမပြောခဲ့ဘူး။ သင့်တော်တဲ့အဖြေ မတွေ့ခင်မှာ
သူနှုတ်ဆိတ်ငြိမ်သက်နေခဲ့တယ်။ တစ်လှမ်းချင်း တဖြေးဖြေး
ကြီးပြင်းလာတဲ့သားကို အားပေးဖေးမခဲ့တယ်။ ဒီလို နားလည်ခွင့်လွတ်တတ်တဲ့
မိခင်ရင်ခွင်ထက်က ကြီးပြင်းခဲ့တဲ့သားဟာ နောက်ဆုံးမှာ အကောင်းဆုံးကို
ရွေးချယ်နိုင်ခဲ့တယ်။
အဆုံးအမဆိုတာ ဘဝတစ်ခုလုံးအတွက် လေးစားကြည်ညိုခြင်းနဲ့
လှုပ်နှိုးခြင်းဖြစ်ပြီး ကိုယ်ထဲခိုအောင်းနေတဲ့ ဖြစ်နိုင်စွမ်းတွေကို
ဖွံ့ဖြိုးတိုးတက်စေတာဖြစ်တယ်။ ကလေးငယ်တွေ ကျန်းကျန်းမာမာ
ကြီးထွားရှင်သန်အောင် လူကြီးမိဘတွေမှာ ငြိမ်းချမ်းတည်ငြိမ်တဲ့စိတ်နှလံ
ုး၊
ကျယ်ပြန့်တဲ့ရင်ခွင်တွေ ရှိသင့်ပါတယ်။ ဒါဟာ ခွင့်လွတ်နားလည်တဲ့စိတ်ရဲ့
အခြေခံတွေပဲဖြစ်တယ်။
Forward mail ပို့လာပေးတဲ့ သူငယ်ချင်းကို ကျေးဇူးတင်ပါတယ်။ ရသရော သုတရော ပေါ်လွင်တဲ့ ဇာတ်လမ်းတိုလေးပါ။ ဒီ post လေးဖတ်ပြီး သင်ခန်းစာလေးအနည်းဆုံး တစ်ခုလောက်တော့ ရနိုင်ကောင်းပါရဲ့နော်..။ ဘ၀မှာ အံဝင်ခွင်ကျစွာ နေနိုင်ကြပြီး ပျော်ရွှင်ကြပါစေ..။
Labels: မျှဝေခြင်း
Thursday, February 4, 2010
လူငယ်များ၏ ရည်းစား မရှိခြင်းကောင်းကျိုး (၁၁) ချက်
(၁) Online ဖိုးပိုက်ဆံ အကုန်အကျသက်သာခြင်း
(၂) အပို့အကြိုကိစ္စ ဖြစ်သော ဖယ်ရီ မရှိခြင်း
(၃) အချော့ရသက်သာခြင်း စိတ်ပင်ပန်းဆင်းရဲမှုမှ ကင်းဝေးစေခြင်း
(၄) မုန့်ဖိုးအား လောက်ငှစွာ သုံးစွဲလို့ရခြင်း
(၅) အချိန်မရွေးနေရာမရွေး လွတ်လပ်စွာနေထိုင်နိင်ခြင်း
(၆) အစားမှန် အအိပ်မှန် အထမှန်ခြင်း နှင့် ကျန်းမာရေးကောင်းနေခြင်း
(၇) အိမ်မှ ဖုန်းဘေ ငွေနှုန်းများ သက်သာလာခြင်း
(၈) ပါးစပ်အားနံစေသော ဆေးလိပ် ၊ ကွမ်းယာ ၊ သေရည် ၊ ဒညင်းသီးများအား
အချိန်မရွေး စားသုံးလို့ရခြင်း
(၉) ရည်းစာမရှိ၍ သူငယ်ချင်းအား ရင်မဖွင့်ရသဖြင့် သူငယ်ချင်းဖြစ်သူက
နားညီးသက်သာသောကြောင့် သင့်အား အလိုက်အသင့် ဆက်ဆံခြင်း
(၁၀) ရည်းစားမရှိပါက ဘီယာတိုက်တဲ့ ပိုက်ပိုက် သက်သာစေခြင်း
(ဘီယာတိုက်ပြီး ရင်ဖွင့်တဲ့သူရှိလို့ပါ)
(၁၁) ရည်းစား၏ နားပူနားစာ ၊ အမိန့်များ ကင်းဝေးခြင်း တို့ဖြစ်ပါသည်။
လူငယ်များ၏ ရည်းစား ရှိခြင်းကောင်းကျိုး (၁၁) ချက်
(၁) လူအများကြား၌ ကြွားကြွားဝါ၀ါ နေနိုင်ခြင်း
(၂) ကိုယ်မရှိရင် သူပေး သူမရှိရင် ကိုယ်ပေး စွာနေနိုင်ခြင်း
(၃) ငှက်ပျောတုန်းဖက်သေစရာ မလိုခြင်း
(၄) ဟုတ်ဟုတ် မဟုတ်ဟုတ် လူရှိန်နေခြင်း
(၅) ကိုကို ၊ မောင် ၊ ချစ် ၊ မ ၊ မေ လို့ ယုယစွာ
စကားလုံးများအကန့်အသက်မရှိ ပိုင်ဆိုင်စေခြင်း
(၆) Web site ပေါ်တွင်ကဗျာ များသစ်လွင်နေခြင်း နှင့် လန်းဆန်းတက်ကြွနေခြင်း
(၇) လက်သည်းခြေသည်း ရှည်ခြင်းမှကင်းဝေးစေခြင်း နှင့် တစ်ကိုယ်ရေ
သန့်ရှင်းမှု ရှိခြင်း
(၈) ရည်းစားမရှိသူအား နှိမ်၍ မင်းမှာရောရည်းစားရှိလို့လားလို့ မေးလို့ရခြင်း
(၉) ဆောင်းတွင်းဖြစ်သည့်တိုင်အောင် အနွေးထည် ၀ယ်ရသည့် ပိုက်ပိုက် သက်သာစေခြင်း
(၁၀) ပိုက်ဆံချေးလို့ရခြင်း နှင့်
(၁၁) နောက်ဆုံးရုံတင် ရုပ်ရှင်ကားများ အဆက်မပြက် ကြည့်ရခြင်း တို့ပဲ ဖြစ်ပါသည်။
--
ဒါလေးဖတ်တာနဲ့ သူငယ်ချင်းတို့တော့ မသိဘူးနော်၊ ကျွန်မကတော့ ပြုံးမိတယ်။ မှန်သင့်သလောက်မှန်နေလို့လေ...။ လောကမှာ အကောင်းနဲ့ အဆိုး အမြဲတမ်းဒွန်တွဲနေတာပဲ။ သူတို့ ၂ ဦးကမှ တကယ် လက်တွဲမြဲတဲ့သူတွေပဲ။။ ပျော်ရွှင်ပါစေနော်။။။
Labels: ဟာသ
လက်ထပ်ပြီးရက်ပေါင်း ၂၅၅၅ရက်…. သူနဲ့ကျွန်တော်ရဲ့ ဆက်ဆံရေးက
လုံးဝကွဲအက်သွားခဲ့တယ်။ ဘောင်ခတ်ထားတဲ့ စည်းရိုးတစ်ခုကို ကျော်ဖြတ်ခဲ့တဲ့
ယောက်ျားမိန်းမတွေလည်း လက်ရှိသူ့ပုံစံအတိုင်း ဖြစ်မယ်လို့ တံခါးဝက
လှမ်းထွက်သွားတဲ့ သူ့ကိုကြည့်ပြီး ကျွန်တော်စဉ်းစားမိတယ်။ ကျွန်တော့်ကို
နောက်ထပ်တစ်ချက် စောင်းငဲ့လို့ သူမကြည့်ချင်ခဲ့တော့ဘူး။
နောက်တစ်နေ့ သူ့ပစ္စည်းတွေကို သူကိုယ်တိုင်လာသိမ်းခဲ့တယ်။
ပစ္စည်းတွေသိမ်းဆည်းပြီး အခန်းထဲ ဟိုဟိုသည်သည် သူလှည့်ပတ်ကြည့်နေတယ်။
ရုတ်တရက် သစ်သီးခြင်းထဲက အနီဆုံးပန်းသီး ၃,၄လုံးကို နှိက်ပြီး
အိတ်ထဲသူတည့်လိုက်တယ်။ အဲဒီပန်းသီးတွေကို လွန်ခဲ့တဲ့ရက်တွေက
သူဝယ်ခဲ့တာဖြစ်တယ်။
ကျွန်တော်ခပ်ယဲ့ယဲ့တစ်ချက် ပြုံးလိုက်မိတယ်။ အိမ်ထောင်ရေးဆိုတာက တကယ်ပဲ
ရယ်စရာကောင်းတဲ့ အရာတစ်ခုလား! အတူနေစဉ်မှာ သူ့အတွက် ရင်ကိုခွဲပြီး
အသဲနှလုံးကိုတောင် ထုတ်ပေးချင်ခဲ့တယ်။ ကွဲကြ၊ လမ်းခွဲကြတော့ ပန်းသီးတောင်
အလွတ်မပေးဘဲ ချန်မထားချင်ခဲ့တော့ဘူး။ ပစ္စည်းတွေကုန်သလောက်
သိမ်းပြီးတာတောင် အိမ်အနှံ့ သူလှည့်ပတ်ကြည့်နေခဲ့သေးတယ်။
ရုတ်တရက်သူ့အကြည့်တွေ နံရံတစ်နေရာမှာ ရပ်သွားခဲ့တယ်။ အဲဒီနေရာက
မှန်ဘောင်သွားပြီး ချိတ်ဆွဲထားတဲ့ လက်မ၄ဝရှိ မင်္ဂလာဆောင်ဓာတ်ပုံဆိုတာ
ကျွန်တော်သိလိုက်တယ်။ အဲဒီဓာတ်ပုံကို သူယူသွားမယ်လို့ ကျွန်တော်ထင်တယ်။
ဘာဖြစ်လို့လဲဆိုတော့ ဓာတ်ပုံကို ပုံကြီးချဲ့မယ်ဆိုတုန်းက ကုန်ကျငွေကို
ကျွန်တော်မပေးချင်ခဲ့ဘူး။ ဒါကိုသူက “တစ်သက်မှ တစ်ခါပဲ။
ကပ်စီးနည်းမနေပါနဲ့။ ငါတို့တစ်ယောက်တဝက် ထုတ်ပြီးလုပ်ကြရအောင်” လို့
ပြောခဲ့တယ်။
ထိုင်ရာကထပြီး ဓာတ်ပုံကို ကျွန်တော်ဖြုတ်ယူလိုက်တယ်။ ဘောင်အနားမှာ
တပ်ထားတဲ့ သံတွေကို လှည့်ယူဖို့ပြင်လိုက်တယ်။ ကျွန်တော်လည်း
ကုန်ကျငွေတဝက် ထုတ်ထားတဲ့အတွက် ကျွန်တော်လည်းတဝက်ပိုင်ပါတယ်။
သူလိုချင်ရင် တဝက်ပဲရမယ်!
ဒါပေမယ့် ဘောင်ပေါ်က သံ(၁၂)ချောင်းလုံး သံချေးတက်နေခဲ့လို့ ဘယ်လိုမှ
လှည့်ထုတ်လို့ မရခဲ့ဘူး။ ကျွန်တော်လွှထယူတော့ သူက ခပ်တိုးတိုးဆိုတယ်။
“ဖြုတ်မရလည်း ထားလိုက်ပါ… နင်ပဲသိမ်းထားလိုက်တော့”
သူ့အပြောကို ကျွန်တော်တစ်ချက်မဲ့လိုက်ပြီး “ဟင်း… မလိုပါဘူး။ နင်ပဲယူသွားလိုက်”
ခေါင်းမာမာနဲ့ ဓာတ်ပုံကို သူ့ကားနောက်ခန်းထဲ
ကျွန်တော်ထိုးထည့်ပေးလိုက်တယ်။ စိတ်ထဲမှာ အားရကျေနပ်လို့… ဒါပေမယ့်
အိမ်ထဲပြန်ဝင်ခဲ့ပြီး ဓာတ်ပုံမဲ့နေတဲ့ နံရံအဖြူကွက်ကို တွေ့လိုက်တဲ့တခဏ
အမည်မသိ ဝေဒနာတစ်ခုက ကျွန်တော့်ရင်ထဲ တိုးဝင်လာခဲ့တယ်။
အဲဒီနောက်ပိုင်း နေ့လယ်ရုံးတက်၊ ညနေ ဘားတက်နဲ့ နေ့ရက်တွေကို ကျွန်တော်
ပျော်ပျော်ရွှင်ရွှင် ဖြတ်သန်းခဲ့တယ်။ ဒါပေမယ့် အိမ်ပြန်ရောက်တိုင်း
နံရံပေါ်က အဖြူကွက်ကိုပဲ အကြည့်ရောက်သွားတတ်တယ်။ အဲဒီအခါ နာကျင်မှုတွေက
ရင်ဝမှာ လာဆို့နေတော့တယ်။
ရက်သတ္တပတ်ရဲ့နောက်ဆုံးနေ့ အဖော်သူငယ်ချင်းတွေက စုံတွဲကိုယ်စီနဲ့
ထွက်လည်ကြပြီး ကျွန်တော့်ကို ချန်ထားခဲ့ကြတယ်။ အဖော်မဲ့တဲ့ကျွန်တော်
အိမ်ကိုပဲ ပြန်လာခဲ့တယ်။ အိမ်ရောက်တာနဲ့ ကွန်ပြူတာကို
ကျွန်တော်ဖွင့်လိုက်တယ်။ ဟုမ်ပေ့ခ်ျမှာ သူ့ဘလော့ဂ်ထွက်ကျလာခဲ့တယ်။
ဒီဘလော့ဂ်က သူ(၃ဝ)ပြည့်မွေးနေ့မှာ ကျွန်တော်ကိုယ်တိုင် လုပ်ပေးလိုက်တဲ့
လက်ဆောင်ဘလော့ဂ်ဖြစ်တယ်။ လွမ်းဆွတ်မှုတစ်မျိုးကြောင့်
သူ့နေ့စဉ်မှတ်တမ်းကို ကျွန်တော် ဖွင့်ကြည့်လိုက်မိတယ်။
သူနောက်ဆုံးရေးခဲ့တဲ့ စာက ကျွန်တော်နဲ့သူ လမ်းခွဲတဲ့နေ့ဖြစ်တယ်။
“သူရုံးဆင်းချိန် သူကြိုက်တတ်တဲ့ အစားအစာတွေချက်ပြုတ်ပြီး
ဝိုင်တစ်ပုလင်းနဲ့ ကျွန်မစောင့်နေခဲ့တယ်။ ဒါပေမယ့် အဲဒီညက
သူပြန်အလာကိုစောင့်ရင်း စားပွဲခုံပေါ် မှောက်ရက်
ကျွန်မအိပ်ပျော်သွားခဲ့တယ်”
“နံရံပေါ်က ဓာတ်ပုံကို သူဖြုတ်နေချိန် ချွေးဇောတွေပြန်နေခဲ့တယ်။ သံတွေက
သံချေးတက်နေပေမယ့် မှန်ဘောင်ကိုပိုမြဲအောင် တွယ်ထားသေးတယ်။ တကယ်လို့
အချစ်မှာလည်း ဒီအတိုင်းဆိုရင် ဘယ်လောက်ကောင်းလိုက်မလဲ…….”
ရင်ဝထဲက တစ်စုံတစ်ခု ကွဲအက်သွားသံကို ကျွန်တော်ကြားလိုက်မိတယ်။ ကွန်ပြူတာ
စခရင်ကိုပဲ ကျွန်တော်ငေးမောကြည့်နေခဲ့တယ်။ လက်ဖမိုးပေါ် အေးစက်တဲ့
မျက်ရည်တစ်စက်ကျသွားမှ ကျွန်တော်သတိဝင်လာခဲ့တယ်။
ကျွန်တော့်မျက်လုံးအိမ်မှာ မျက်ရည်တွေ ပြည့်လျံနေခဲ့ပြီလေ။
သူ့ပို့စ်အောက်မှာ ကျွန်တော်ကော်မန့်ရေးလိုက်မိတယ်။
“ပစ္စည်းတစ်ခု အိမ်မှာကျန်ခဲ့သေးတယ်။ လာယူပါ”
နောက်တစ်နေ့ နေအိမ်ကိုသူရောက်လာခဲ့တယ်။ မယုံသလို အပြောမျိုးနဲ့ သူမေးတယ်။
“ငါ့ပစ္စည်း ဘာကျန်ခဲ့တာလဲ”
သူ့ကိုစေ့စေ့ကြည့်ပြီး ကျွန်တော်နှုတ်ဆိတ်နေလိုက်တယ်။ တစ်ခုခုကို
သူသဘောပေါက်သွားသလိုနဲ့ ကျွန်တော်အကြည့်ကို ရှောင်ပြီး နံရံပေါ်က
အဖြူကွက်ကိုပဲ ငေးကြည့်နေခဲ့တယ်။
“ငါ့ပစ္စည်း ဘာကျန်ခဲ့တာလဲ”
တိတ်ဆိတ်ခြင်းကို သူစတင်ခွဲလိုက်တယ်။ သူ့ပုခုံးကို ဆွဲလှည့်ပြီး
ကျွန်တော် တစ်လုံးချင်းပြောလိုက်တယ်။
“ဒီမှာ… ဒီလူက နင်ပိုင်ဆိုင်တဲ့ ပစ္စည်းပဲလေ”
နေရာမှာတင် သူငေးကြောင်ပြီး ရပ်နေခဲ့တယ်။ ကျွန်တော့်ဆီကလည်း နောက်ထပ်
ဘာသံမှထွက်မလာခဲ့ဘူး။ တအောင့်ကြာမှ ကြိုးပြတ်သွားတဲ့ ပုလဲလေးတွေလို့
မျက်ရည်တွေ သူ့ပါးပြင်ပေါ် ကျလာခဲ့တယ်။ သူ့ကို ရင်ခွင်ထဲ
တင်းတင်းဆွဲပွေ့ထားလိုက်မိတယ်။ သူလည်း ကျွန်တော့်ပုခုံးကို လက်နှစ်ဖက်နဲ့
သိုင်းဖက်လို့…. ရင်ဘတ်နှစ်ခုက အသက်ရှုလို့မရအောင် တင်းကြပ်နေခဲ့တယ်။
အချိန်ဘယ်လောက်ကြာသွားခဲ့လဲ မသိဘူး။ ကျွန်တော့်ကို သူညင်ညင်သာသာ
တွန်းထုတ်တယ်။ ပြီးတော့ ပလတ်စတစ်နဲ့ ထုတ်ထားတဲ့ အရာတစ်ခုကို
ကားနောက်ခန်းက ထုတ်ယူလာခဲ့တယ်။ ပလတ်စတစ်ကို ခွါပြီး ဓာတ်ပုံကို
နံရံပေါ်ပြန်ချိန်ထားလိုက်တယ်။ သူ့ပုခုံးကို သာသာလေးဖက်ပြီး
ဓာတ်ပုံကိုကျွန်တော်တို့ ရပ်ကြည့်ခဲ့ကြတယ်။
ကျွန်တော်တို့ တစ်ယောက်ခေါင်းကိုတစ်ယောက် မှီလို့….
တစ်ယောက်လက်ကို တစ်ယောက် တင်းတင်းဆုတ်ကိုင်လို့….
ဖြူဖွေးတဲ့ မင်္ဂလာဝတ်စုံ ဇာပုဝါအောက်မှာ သူ့အပြုံးက ပျော်ရွှင်သက်ဝင်လို့…..
တကယ်တော့ အိမ်ထောင်ရေးက ဒီမှန်ဘောင်နဲ့တူခဲ့တယ်။ သံတွေဖြုတ်လို့မရရင်
တစ်သက်လုံးဖြုတ်လို့ ရနိုင်တော့မှာ မဟုတ်ပါဘူး။ ကျွန်တော်တို့ရဲ့
ချစ်ခြင်းကလည်း မျက်စိရှေ့က မင်္ဂလာဓာတ်ပုံလိုပါပဲ ဘဝရဲ့ အလှဆုံးအချိန်မှာ
ဘောင်သွင်းခဲ့သလို ထာဝရစဉ် မြဲနေတော့မှာဖြစ်ပါတယ်။
ရေးသူအမည်မပါတဲ့ London Global Times က သတင်းစာမှာ ဖတ်မိတဲ့ စာတစ်ပုဒ်ကို
ဘောင်သွင်း (ဘာသာပြန်)ပါတယ်။
ဒီ post လေးကတော့ forward mail ကနေတစ်ဆင့်ရတာဆိုပေမဲ့ ဘာသာပြန်တဲ့သူအမည် ပါမလာလို့ ဒီအတိုင်းတင်လိုက်တာပါ။ ဖတ်ပြီးသားသူတွေလည်း ရှိချင်ရှိမှာပေါ့။ တကယ်ကို ရသမြောက်လို့ စေတနာဖြင့် ပြန်လည်မျှဝေလိုက်ပါတယ်။ ဖတ်ရှု ခံစားနိုင်ပါစေ။ သူငယ်ချင်းများလည်း ချစ်သောသူနဲ့ တစ်သက်တာ ပေါင်းဖက်နိုင်ကြပါစေရှင် ။။။
Labels: မျှဝေခြင်း
![[ Please click me tender ]](http://winkkk.com/photo/4054.gif)
